E alí estivemos nos, nín as mais desfavorables condicións meteriolóxicas foron quen de impedir e evitar a nosas exitosas actuacions nos catro furanchos que participaron nesta festa furancheira organizada pola Asociacion de Veciños Carballeira e que tan bós anfitreóns tiveron e que nos trataron tan ben, que nunca nos faltou unha taza de viño ou algo para levar a boca. Tamen estiveron o grupo de Gaitas de Castro Barreiro e outros moitos gaiteiros que se animaron a participar e cos que coincidimos nos furanchos facendo unha union de grupos que pareciamos unha solemne Real Banda de Gaitas.
A choiva e o vento non deixaron de caer e soplar en toda a tarde noite, a xente que se achegaban os furanchos buscaban o calor da musica e dunhas boas tazas de viño, e pouco a pouco ian entrando nunha dinámica de canto e baile que facían esquecer a choiva o vento e incluso o tempo, pasaban as horas e aínda quedaban furanchos que percorrer, mentras facías o camiño de unha lado para o outro escoitabas os sóns musicais e algarabías que viñan dos outros furanchos e facíaste unha idea da animacion que alí podería haber. Foi unha tarde-noite de moita auga, pero mais de viño, que o final terminamos todos mollados tanto por fora como por dentro.
No hay comentarios:
Publicar un comentario